मान वहादुर ठकुल्ला /
टीकापुर । स्थानिय स्तरमा हुने अपराधिक क्रियाकलाप लाई न्युनिकरण तथा रोकथाम गर्नका लागि टीकापुर नगरपालिका वडा न ८ मा टोल सुरक्षा समिति गठन गरिएको छ ।
टीकापुर नगरपालिका र ईलाका प्रहरी कार्यालय टीकापुरको संयुक्त सहकार्यमा वडा न ८ को कर्मिडाँडा टोलमा सुरक्षा समिति गठन गरिएको हो ।
टीकापुर नगरपालिका वडा न ८ का वडा अध्यक्ष दिर्घ बहादुर ठकुल्लाको अध्यक्षतामा भएको भेलाबाट दिपक बहादुर साउँद ७ सदस्यीय टोल सुरक्षा समिति गठन गरिएको छ ।
जसको सदस्यमा छोटेलाल चौधरी, भिम साउँद, मुकेश साउँद, रतन भण्डारी र करन साउँद रहेका छन । वडा नं ८ मा ८ वटा टोलसुरक्षा समिति गठन गरिने वडा अध्यक्ष दिर्घ बहादुर ठकुल्ला ले जानकारी दिनु भएको छ ।
वडा अध्यक्ष ठकुल्लाले टोल सुरक्षा समितिलाई सक्रिय बनाउन का लागि १ सेट मोबाईल दिई प्रहरी संग प्रत्यक्ष जोडेर समाजमा हुने बिकृति तथा बिसंगति र अपराधिक क्रिया–कलापलाई न्युनिकरण गर्नमा सहज हुने जानकारी दिनुभयो ।
स्थानिय बुद्धिजीवी, जन–प्रतिनिधि, शिक्षक, र कालाकुण्डा प्रहरी चौकीका प्रहरी नायब निरिक्षक कुल बहादुर साउँद लगायतको उपस्थितीमा टोल सुरक्षा समिति गठन गरिएको हो ।
चाँडपर्व नजिकिदै गर्दा बिभिन्न ठाउँमा बिभिन्न किसिमका अपराधिक कृयाकलाप बढ्न सक्ने भएकाले सुरक्षा कमिटी गठन गरिएको प्रहरी नायव निरीक्षक साउँदले बताउनुभयो ।
