असहाय बालबालिका समाज टीकापुरद्वारा मेरी आमालाई सहयोग

शेयेर गर्नुहोस

यज्ञराज उपाध्याय /
टीकापुर । संयुक्त नेपाल अनाथ तथा असहाय बालबालिका समाज टीकापुर शाखाले बाल परोपकारी संस्था मेरि आमा लाई सहयोग गरेको छ ।
समाजका टीकापुर शाखा अध्यक्ष गणेश शेट्ठीले यस संस्थाको यो पहिलो कार्यक्रम रहेको र यस्तै सहयोगार्थ कामका लागि संस्थाको स्थापना भएको बताउदै मेरि आमा कि सञ्चालिका दिव्या चौधरीले आफ्नै बलमा धेरै बालबालिकालाई पालिरहेकाले आफुले पनि सहयोग गरेको बताए ।
उनले संस्थाको कोहि डोनर नभई अन्य व्यक्ती एवं संस्थाहरुसंग सहयोग संकलन गरेरै मेरि आमा लाई सहयोग गरेको बताउदै यस कार्यक्रममार्फत मेरि आमाका बालबालिकाका लागि शैक्षिक सामाग्री अन्तर्गत कापी, कलम र इरेजर, लत्ताकपडा, जुत्ता, चप्पल साथमा ३ हजार ७५५ रुपैयाँ आर्थिक सहयोगसमेत गरिएको जानकारी दिए ।
कार्यक्रममा ईलाका प्रहरी कार्यालय टीकापुरका प्रमुख डिएसपी मधुसूदन न्यौपानेले बालबालिकालाई सहयोग हस्तान्तरण गरेका थिए ।
संस्थाले युवाहरुसँगको सहकार्य मा टीकापुरमा यस्तै सहयोगार्थ कार्यक्रम सञ्चालन गर्ने योजना बनाएको भएता पनि टीकापुर नगरपालिकामा भने सुचिकृत नभएको बताउदै नगरपालिकामा संस्थाको फाइल पठाएको अध्यक्ष शेट्ठिले बताए ।
यो संस्थाको केन्द्रिय कार्यालय भने काठमाडौंको बालुवाटारमा रहेको छ ।