धनगढी । जिल्लाको पुनर्वास नगरपालिका वडा नम्बर ११ मा पर्ने डोकेबजार स्थित नेपाल — भारतको अन्तर्राष्ट्रिय सीमा नाकामा संयुक्त नागरिक सहायता कक्ष सञ्चालन गरिएको छ । सीमा क्षेत्रबाट ओहोरदोहोर गर्दा आइपर्न सक्ने सम्भावित समस्याहरुको समाधानका लागि संयुक्त नागरिक सहायता कक्ष सञ्चालन गरिएको बताइएको छ ।
पुनर्वास नगरपालिकाका नगर प्रमुख जीवन राज थापाले मंगलबार उक्त संयुक्त नागरिक सहायता कक्षको औपचारिक उद्घाटन गर्नु भएको हो । दुवै देशका सुरक्षा अधिकारी, जनप्रतिनिधि, राजनीतिक दलका स्थानीय प्रतिनिधि र सञ्चारकर्मीहरुको उपस्थितिमा सहायता कक्षको उद्घाटन गरिएको पुनर्वास नगरपालिकाका प्रवक्ता भारमल सुनारले जानकारी दिए ।
