अत्तरिया । सुदूरपश्चिम अटोमोबाईल्स डिलर्स एसोसिएसन (साडा) को समिति गठन भएको छ। समितिको अध्यक्षमा उद्योग वाणिज्य संघ कैलालीका वरिष्ठ उपाध्यक्ष पुष्कर ओझा चयन भएका छन् ।
त्यसैगरी उपाध्यक्षमा साहनवाज आलम, परशुराम चपाइ, गौरब अग्रवाल गरी तीन जना चयन भएका छन्। भने, महासचिवमा श्याम जोशी, सचिवमा प्रदिप जोशी, कोषाध्यक्षमा अभियान खड्का चयन भएका छन् ।
यस्तै सदस्यमा मसकुर अहमद, श्याम ओझा, प्रेम साउद, राजीव हमाल, महेन्द्र सिंह, समुन्द्र भण्डारी र भुवन भट्ट चयन भएका छन् ।
सल्लाहकार सदस्यमा नविन जोशी, राजेश भण्डारी र राकेश कर्माचार्यलाई चयन गरिएको नव निर्वाचित अध्यक्ष पुष्कर ओझाले जानकारी दिए। नेपाल अटोमोबाइल्स डिलर्स एसोसिएसन (नाडा) को छाता संगठनको रूपमा साडा गठन गरिएको उनले बताए ।
