टीकापुर । डोटीको रुबसकाँडामा पर्यटन व्यवसायलाई प्रवद्र्धन गर्ने उद्देश्यले व्यावसायीक रुपमा प्याराग्लाइडिङ सञ्चालनमा ल्याइएको छ । डोटीको जोरायल गाउँपालिका–२ को रुबसकाँडामा ७ लाखको लागतमा प्याराग्लाइडिङ सञ्चालनमा आएको हो । परीक्षण उडान सफल भएपछि असोज २६ गते देखि समितिले प्याराग्लाइडिङ नियमित उडान भर्दै आएको छतिवन पर्यटन प्रवद्र्धन संरक्षण समितिका अध्यक्ष भरत कुँवरले बताए ।
रुबसकाडाको भगतडाँडा९भ्यू प्वाइन्ट०बाट उड्ने फ्लाइट करिब १५ देखि २० मिनेट आकाशमा रहने छ भने, छतिवन ताल, बुडर र बिथल गरी तीन स्थानमा प्याराग्लाइडिङको ल्यान्डिङ हुनेछ । प्याराग्लाइडिङको शुल्क ३ हजार ९ सय निर्धारण गरिएको छ ।
छतिवन पर्यटन प्रवद्र्धन संरक्षण समिति र बैतडी अमेजिङ एडभेन्चर प्रालिको संयुक्त सहकार्यमा व्यवसायीक रुपमा प्याराग्लाइडिङको सुरुवात गरेको समितिका अध्यक्ष कुँवरले बताए । प्याराग्लाइडिङ साहसिक खेल खेल्नेहरुका लागि डोटीको रुबसकाँडामा सञ्चालनमा आएको प्याराग्लाइडिङ सुदूरपश्चिममै पहिलो हो ।
