धनगढी । धनगढीमा ग्यास सिलिन्डर पड्किँदा गम्भिर घाइते भएकी एक महिलाको मृत्यु भएको छ । बुधबार बिहान धनगढी उप–महानगरपालिका वडा नम्बर ८ मा ग्यास विस्फोट हुँदा गम्भीर घाईते भएकी ६५ वर्षीया बिर्मादेवी विष्टको मृत्यु भएको प्रहरीले जनाएको छ । उपचारका क्रममा बिर्मादेवीको काठमाडौंमा मृत्यु भएको जिल्ला प्रहरी कार्यालय कैलालीका निमित्त प्रमुख प्रहरी नायव उपरीक्षक प्रतिक बिष्टले जानकारी दिए ।
खाना पकाउने ग्यास सिलिन्डर लिक भएर आगलागी हुँदा ७० बर्षिय हरिलाल विष्ट, उनकी श्रीमती ६५ बर्षिया बिर्मा विष्ट र नातिनी १५ बर्षिया महेश्वरी विष्ट घाइते भएका थिए । धनगढी स्थित माया मेट्रो अस्पतालमा उपचार सम्भव नभएपछि तिनैजनालाई काठमाडौंको किर्तिपूर अस्पतालमा लगिएको थियो ।
