धनगढी । आज बिहान करिब साढे ५ बजेतिर कोरोना संक्रमणले मृत्यु भएकी महिलालाई धनगढी नगरपालिकास्थित कब्रस्तानमा गाडिएपछि बिरोध भएको छ ।
सेती प्रादेशिक अस्पतालको कोभिड अस्थायी अस्पतालमा उपचाररत कोरोना संक्रमित महिलाको मृत्यु भएपछि स्थानीय प्रशासन र सेनाको टोलीले आफन्तलाई शव बुझाएको थियो । शव बुझाएपछि स्थानीय प्रशासन र मृतकका परिवारजनले कब्रस्तानमा शव गाडेका हुन् ।
वस्ती संगै रहेको कब्रस्तानमा कोरोना संक्रमितलाई गाडेको भन्दै स्थानीयले विरोध गरेका हुन । कोरोना संक्रमणबाट मृत्यु भएकाहरुको शव व्यवस्थापन नेपाली सेनाले गर्दै आएको थियो ।
धनगढी उप–महानगरपालिका वडा नम्बर २ कि ५७ वर्षीया महिला रहेको सेती प्रादेशिक अस्पतालले जनाएको छ ।
अस्पतालका सूचना अधिकारी दिलिपकुमार श्रेष्ठले कडा खालको निमोनिया देखिएपछि असोज १० गते भर्ना भएकी महिलाको बिहान साढे ५ बजे मृत्यु भएको जानकारी दिए । १० गते सिकिस्त बिरामी भएकि ती महिलालाई १२ गते कोरोना संक्रमण देखिएको थियो ।
