माटो परिक्षण प्रयोग शाला उद्घाटन
टीकापुर । किसान बहुउद्देश्यीय सहकारी संस्था लिमिटेडले सोमबार आफ्नो २५ औं वार्षिकोत्सव तथा रजत जयन्ती मनाएको छ ।
संस्थाले बिभिन्न कार्यक्रमहरुको आयोजना गर्दै वार्षिकोत्सब तथा रजत जयन्ती मनाएको हो ।
कोरोना भाइरस संक्रमणले समाज त्रशित भई रहेकै बेला सुरक्षितरुपमा सो संस्थाले कार्यक्रम सम्पन्न गरेको हो ।
संस्थाका अध्यक्ष सुरेन्द्र बहादुर शाहको अध्यक्षतामा भएको कार्यक्रममा लम्की चुहा नगरपालिका मेयर महादेब बजगाई प्रमुख अतिथी रहनु भएको थियो ।
कार्यक्रमका प्रमुख अतिथी बजगाईले किसान बहुउद्देश्यीय सहकारी संस्थाले गरेका बिभिन्न काम कार्यको प्रशंसा गर्नुभयो ।
कैलाली जिल्लाका बिभिन्न बस्तीबस्तीमा आफ्ना सेयरधनी, बचतकर्ता र ऋणीहरुका लागि बिभिन्न कार्यक्रमहरु आयोजना गरेकाले स्थानियहरुको यो संस्थाप्रति बिश्वास बढेको समेत उहाँले बताउनुभयो ।
आफ्ना सेयरधनीका बालबालिकाहरु बढाईमा राम्रो भएका र डाक्टर पढाउन नसक्नेहरुका लागि संस्थाले सहुलियत दरमा ऋण उपलब्ध गराई पढाई पश्चात स्थानिय स्तरमा काम गर्ने बाताबरण बनाउनु पर्ने धारणा समेत बजगाईले राख्नुुभयो ।
कार्यक्रममा संस्थाका महा–प्रबन्धक डम्बर बहादुर शाहले द्वन्द्वकालदेखि संचालनमा आएको यो संस्थाले निकै चुनौतिपूर्ण जोखिम मोल्दै आज यो स्थानसम्म पुग्न सफल भएको बताउनुभयो ।
महा–प्रबन्धक शाहले यो संस्थालाई आज सफल यस अवस्था सम्म पु¥याउन सबैको सहयोग रहेको भन्नुभयो ।
उहाँले –‘आगामि दिनमा यो सहकारीलाई सुदूरपश्चिमकै सबैभन्दा उत्कृष्ट सहकारी बनाई टोलवस्ती सम्म सेवा प्रदान गर्ने प्रतिबद्धता जनाउनुभयो ।
कार्यक्रममा किसान सहकारी संस्थाका संस्थापक अध्यक्ष इन्द्र कुमार शाहले २५ बर्ष अघि किसान सहकारी संचालन गरिएका पिडा बारे ध्यानाकर्षण गराउनुभयो ।
यो संस्थामा रहेका कार्यसमिती, कर्मचारी र ऋणी लगायत सबैको इमान्दारिता भएकाले नै आज यो संस्था यो स्थानसम्म पुग्न सफल भएको समेत उहाँले बताउनुभयो ।
यसैगरी कार्यक्रममा सम्मानित गरिएका मध्य बल बहादुर बिष्टले समेत मन्तब्य राख्नु भएको थियो ।
यसैगरी कार्यक्रममा लम्की चुहा नगरपालिका १ नं. वडा कार्यालयका अध्यक्ष जनक बम बिशिष्ठ अतिथी रहनु भएको थियो ।
कार्यक्रमम निबन्ध प्रतियोगितामा प्रथम, द्वतिय र तृतियलाई सम्मानपत्र सहित क्रमश १५ हजार, १० हजार र ५ हजार पुरस्कार दिइएको थियो ।
यसैगरी समाजमा बिभिन्न कार्य गर्दै आएकाहरुलाई समेत यो कार्यक्रममा संस्थाले सम्मान गरेकोे छ ।
यस्तै अहिले कोरोना संक्रमणकोे जोखिममा सेवा प्रवाह एवं व्यवसायीक सफलताका लागि कर्मचारीको भुमिकाको प्रशंसा गर्दै कार्यक्रममा बिभिन्न शाखाका कर्मचारीलाई सम्मान गरिएको छ ।
किसान सहकारी संस्थाले २५ औं रजत जयन्तीको अवसरमा माटो परिक्षण प्रयोग शालाको समेत उदघाटन गराएको छ । यो प्रयोगशालाले स्थानिय किसानहरु लाई निकै राहत पुग्नेछ ।
किसान सहकारीको २५ औं वार्षिकोत्सब तथा रजत जयन्ती सम्पन्न
