टीकापुर । अछाममा आज थप ४१ जनामा कोरोना भाइरस संक्रमण देखिएको छ । कमलबजार पिसिआर प्रयोगशालामा पछिल्लो २४ घण्टामा परिक्षण गरिएका ८३ नमुनाहरुमध्ये विभिन्न स्थानिय तहका ४१ जनामा संक्रमण पुष्टी भएको हो ।
प्रयोगशालाका सुचना अधिकारी टेक बहादुर बिष्टले जिल्लाका विभिन्न स्थानिय तहका ३४ पुरुष र ७ महिला गरी ४१ जनामा कोरोना देखिएको बताए ।
बिष्टले भने–मंगलसेन नगरपालिकाका ३१ जना, पञ्चदेवल विनायक नगरपालिकाका ७ जना, बान्नीगढी जयगढ गाउँपालिकाका २ जना र साफेबगर नगरपालिकाका १ जना गरी ४१ जनामा संक्रमण पुष्टि भएको छ ।
