टीकापुर । टीकापुर नगरपालिका वडा नं. १ ब्लक नं. १० का दिपकराज ढुंगाना परिवारले मेरी आमा संस्थालाइ १ हजार १ सय ५ रुपैयाँ नगद सहित बिभिन्न सामानहरु सहयोग गरेका छन ।
आफ्नी आमा स्वर्गिय रत्नादेवी ढुंगानाको तेस्रो वार्षिक पुण्यतिथी को अवशरमा मेरी आमा संस्थालाई सहयोग गरेको दिपकले बताएका छन ।
दिपक परिवारले उक्त संस्था लाई १ बोरा चामल, नुहाउने साबुन ४ थान, कोलगेट ३, बेड बिस्तारा १ सेट, थाल २, कचौरा ३, गिलास २, लोटा १ थान, १ दर्जन कपी, १ दर्जन पेन्सील लगायत सहयोग गरेका छन ।
सो कार्यक्रममा दिपकका वुवा गजराज ढुंगाना, भाई हेमराज ढुंगाना, बिष्णु ढुंगाना, नवराज ढुंगाना, कृष्ण ढुंगाना, दिपेन्द्र भण्डारी लगायतको उपस्थिती रहेको थियो ।
सहयोग कार्यक्रममा मेरी आमा संस्थाकी अध्यक्ष दिब्या प्रयासीले ढुंगाना परिवारबाट पाएको सहयोगको कदर गर्दै धन्यवाद ज्ञापन गरिन ।
