मान बहादुर ठकुल्ला /
टीकापुर । कैलालीको टीकापुर नगरपालिका वडा नं ९ स्थित सत्ती भन्सार कार्यालय खक्रौलामा आगलागी भएको छ ।
गएराती करिब साढे आठ बजेको समयमा बिद्युत लाईन सर्ट हुदा भन्सार कार्यालय खक्रौलामा आगलागी भएको बिओपी खक्रौलाका शसस्त्र प्रहरी निरिक्षक पदम राज भट्टले जानकारी दिनुभयो ।
आगलागी बाट भन्सार कार्यालयमा खासै क्षति नभएको बिद्युत मिटर भने जलेर नष्ट भएको प्रहरी कालाकुण्डाका प्रहरी नायव निरिक्षक राजेन्द्र कुमालले बताउनुभयो । स्थानिय बासिन्दा शसस्त्र प्रहरी, नेपाल प्रहरीको सहयोगमा आगो नियन्त्रण गरिएको प्रहरीले जनाएको छ ।
बिद्युतलाईन सर्ट भएर जलेका कारण भन्सारको दैनिक कामकाज गर्नमा असहज भएको छ । छिट्टै बिद्युतलाईन सुचारु गरि दैनिक कामकाजलाई नियमितता दिन पहल गरि रहेको भन्सार प्रमुख बिमल कुमार साहले मलवारालाई जानकारी दिए ।
