टीकापुरमा प्रहरीले लागुऔषध नियन्त्रणका लागि चलाएको अभियान समाजका लागि निकै सकारात्मक छ । प्रहरी साझेदारीको अवधारणा अन्तर्गत ‘भबिष्य बचाउँ’ कार्यक्रम टीकापुर प्रहरीले ल्याएको छ । सो अभियान निकै सकारात्मक हो । यो कार्यक्रमलाई टीकापुर क्षेत्रका अगुवाहरुले पनि साथ दिनुपर्छ । प्रहरीलाई सघाउनु पर्छ । अनिमात्र समाजका बिभिन्न विकृतिहरुमा कमि आउने छ । कैलालीमा लागुऔषधको बिगबिगी बढेको छ । प्रहरीले बिभिन्न ठाउँहरुबाट लागुऔषध सहित लागुऔषधमा संलग्नहरुलाई रंगेहात पक्राउ पनि गर्दै आएको छ । तरपनि लागुऔषध कारोबारमा संलग्नहरुमा कमि नआएको देखिन्छ ।
टीकापुर स्थित इलाका प्रहरी कार्यालय र प्रहरी चौकी सत्तीको संयुक्त आयोजनामा जग्गामा उम्रेका गाँजाका बोटहरु नष्ट गर्ने कार्यपनि निकै सकारात्मक छ । गाँजा सेवन गरेर दिनभरी लठ्ठीनेहरु समेत हाम्रो समाजमा नभएका होइनन् । त्यसैले पनि यस क्षेत्रमा रहेका गाँजाका बोटहरु नष्ट गर्न जरुरी पनि छ । टीकापुर प्रहरीले चालेको यो कदमपनि समाजको हितमा छ । गाँजा नियन्त्रणको प्रयासले मात्र लागुऔषध दुव्र्यशनमा कमि आउने सम्भावना देखिदैन । लागुऔषध नियन्त्रणको प्रयास प्रहरीले मात्र गरेर हुदैन । लागुऔषध बाट बचाउन सम्बन्धित घरपरिवारले ध्यान दिनुपर्ने मुख्य कुरा हो । समाज/प्रहरी भनेका रोकथामजस्तै हुन ।
तसर्थ आफ्नो घरको सदस्य लागुऔषध कुनै अपराधिक कृयाकलापमा लागेको छ, सो कुरा सर्ब–प्रथम घरपरिवारले केलाउनुपर्छ । सो बिषयमा सबैभन्दा बढी घरपरिवारको दायित्वपनि रहन्छ । त्यसैलेपनि आफ्ना घरपरिवारका सदस्यको अभिभावकले निगरानी गर्ने हो भने कुनैपनि समस्या हरु आउने छैनन भन्ने बिश्वासपनि गरिन्छ ।
प्रहरीको सकारात्मक काम
