बर्दगोरियामा कोरोना रोकथाम खर्च डेढ करोड बढी

शेयेर गर्नुहोस

क्वारेन्टिन खर्च प्रतिव्यक्ति २५ सय, करिब ३५ सयलाई राहत वितरण
लोकु सिंह ठकुरी,
सुखड । कैलालीको बर्दगोरिया गाउँपालिकामा कोरोना रोकथाममा डेढ करोड बढी रकम खर्च भएको छ । सो कार्यका लागी आर्थिक वर्ष २०७६/०७७ मा पालिकाले १ करोड ६० लाख ५० हजार ८ सय २४ रुपैयाँ खर्च गरेको महालेखा परीक्षकको वार्षिक प्रतिवेदनमा उल्लेख गरिएको छ ।

प्रतिवेदनका अनुसार राहत वितरणमा ३८ लाख ८२ हजार ८ सय २९ रुपैयाँ खर्च गरेको पालिकाले क्वारेनटिन व्यवस्थापनमा ३० लाख ६० रुपैयाँ, आइसोलेसन व्यवस्थापनमा १६ लाख ७ सय ५ रुपैयाँ र जनशक्ति परिचालनमा ३४ लाख ६९ हजार ५ सय ९३ रुपैयाँ खर्च गरेको छ । यस्तै औषधी एवं स्वास्थ्य सामग्रीमा २६ लाख ३८ हजार ६ सय ६६ रुपैयाँ र अन्य शीर्षकमा १२ लाख ४५ हजार ५ सय ७० रुपैयाँ खर्च गरेको छ भने २ लाख १३ हजार ४ सय १ रुपैयाँ मौज्दात रहेको प्रतिवेदनले देखाएको छ ।

खर्च भएको सो रकम मध्ये सङ्घीय सञ्चित कोषबाट १२ लाख ४१ हजार ५ सय र प्रदेश सञ्चित कोषबाट ३० लाख ४५ हजार रुपैयाँ प्राप्त भएको थियो । यस्तै १ करोड ८ लाख ९० हजार १ सय १० रुपैयाँ पालिकाको आन्तरिक श्रोतबाट खर्च भएको छ भने ८ लाख ७४ हजार २ सय १४ रुपैयाँ सहयोगी दाताहरू तथा अन्य ठाउँबाट प्राप्त भएको प्रतिवेदनले देखाएको छ ।

क्वारेनटिन खर्च प्रतिव्यक्ति २५ सय,
कोरोनाको सङ्क्रमणकालीन अवस्थामा यस पालिकाले क्वारेनटिन व्यवस्थापनमा प्रतिव्यक्ति करिब २ हजार ५ सय रुपैयाँ खर्च गरेको छ । पालिकाले आर्थिक वर्ष २०७६/०७७ मा कोरोना रोकथामका लागी गरेको क्वारेनटिन व्यवस्थापनमा ७२ लाख २३ हजार ६ सय ५७ रुपैयाँ खर्च गरेको महालेखा परीक्षकको प्रतिवेदनमा उल्लेख गरिएको छ ।

सो आर्थिक वर्षको असार मसान्त सम्म पालिकाले २७ वटा क्वारेनटिन निर्माण गरी २ हजार ९ सय १२ जनालाई व्यवस्थापन गरेको थियो । जस अनुसार पालिकाले प्रतिव्यक्ति २ हजार ४ सय ८३ रुपैयाँ खर्च गरेको प्रतिवेदनमा उल्लेख छ ।

करिब ३५ सयलाई राहत वितरण
यस्तै सोही अवधिमा बर्दगोरिया गाउँपालिकाले करिब ३ हजार ५ सय परिवारलाई राहत वितरण गरेको पाइएको छ । पालिकाका ६ वटै वडाबाट नाम सिफारिस भएर आएका ३ हजार ४ सय ६६ घरपरिवारलाई ३८ लाख ८२ हजार ८ सय २९ रुपैयाँको राहत सामाग्री खरिद गरी वितरण गरिएको महालेखा परीक्षकको वार्षिक प्रतिवेदनमा उल्लेख गरिएको छ । (साभारः कैलाली खबर)

ताजा खबर

कैलालीमा एकको हत्या, हत्याको आशंकामा श्रीमति सहित ४ पक्राउ

आज टीका, लगाउने साइत कतिबेला ?

नेपाल पहिलो पटक साफ च्याम्पियनसीपको फाइनलमा

बैतडीमा अष्टमीका दिन ४२४ राँगाको बलि

amazed