गणेश क्षेत्री,
नारायणपुर । टीकापुर नगरपालिका वडा नं. ६ नारायणपुरमा आयोजित जेशिज सप्ताह तथा फुटबल प्रतियोगिताको आज सम्पन्न गरिएको छ ।
फुटबल प्रतियोगितामा प्रथम, द्धितिय र तृतिय टिमलाई नगद सहित प्रमाणपत्र, शिल्ड तथा ट्रफि सहित बितरण गरी कार्यक्रम सम्पन्न गरिएको हो ।
फुटबल प्रतियोगितामा प्रथम टीकापुर बसपार्क युवा क्लबलाई प्रमाणपत्रसहित ३० हजार नगद, द्धितिय नव युवा क्लब सत्तीलाई प्रमाणपत्रसहित २० हजार र तृतिय नवज्योति युवा क्लब पर्सेनीलाई १५ हजार नगद र प्रमाणपत्रसहित पुरस्कार बितरण गरिएको हो ।
नायणपुर जेशिजको आयोजनामा भएको उक्त समापन कार्यक्रममा टीकापुर नगरपालिका ६ नं. वडा कार्यालयका वडाध्यक्ष एवं नारायणपुर जेशिजका अध्यक्ष बलीराम चौधरीको सभापतित्वमा भएको हो ।
साविक नारायणपुर गाबिसका पूर्व अध्यक्ष एवं नेपाली कांग्रेसका नेता फकिर सिँह कडायतको प्रमुख आतिथ्यमा भएको कार्यक्रममा शेरसिँह रिजालले मन्तब्य राखेका थिए ।
यसैगरी कार्यक्रममा सत्ती प्रहरी चौकीका इन्चार्ज चंखबहादुर कडायत, नेपाली कांग्रेस ६ नं. वडाका सभापती नृपबहादुर कडायत, लक्ष्मी नारायण बहुद्देश्यीय सहकारी संस्थाका अध्यक्ष कपुरसिँह कडायत, नारायणपुर रेडक्रसका सभापती टोपबहादुर केसी, सन्देश श्रेष्ठ, हरी कार्की, मनिराम ढुंगाना, समाजसेवी जीतराम चौधरी लगायतको उपस्थिती रहेको थियो ।
नारायणपुर जेशिजका पूर्व अध्यक्ष शम्भु कडायतको स्वागत मन्तब्यमा भएको सो कार्यक्रम नारायणपुर जेशिजका महासचिब निरज चौधरीले संचालन गरेका थिए ।
