अछाम । अछाम जिल्लामा जन्ती बोकेको जिप दुर्घटना भएको छ । जन्ती बोकेर विनायक बजार तर्फ जादै गरेको से १ च १७६३ नम्बरको बोलेरो जिप आइतबार राति पञ्चदेवल विनायक नगरपालिका १ कुइकामा दुर्घटना भएको हो ।
जिप दुर्घटना हुदाँ ४ जनाको मृत्यु भएको छ भने १४ जना घाइते भएका छन् ।
मृत्यु हुनेमा पञ्चदेवल विनायक–२ का १४ वर्षीय जीवन न्यौपाने, १८ वर्षीयका सर्प बोहरा र वडा नम्बर ३ का १७ वर्षीय जीवन जैसी र र १७ वर्षीय हिमाल नेपाली रहेको जिल्ला प्रहरी कार्यालय अछामले जनाएको छ ।
घाईते मध्ये २ जनाको अबस्था केही गम्भिर रहेकाले थप उपचारका लागि नेपालगञ्ज पठाइएको छ भने बाकिँको जिल्ला अस्पतालमा उपचार भैरहेको प्रहरीले जनाएको छ ।
कच्ची सडकमा ब्याक गर्ने क्रममा अनियन्त्रित भएर जिप दुर्घटना भएको बताइएको छ । जिप सडकबाट करिब ३०० मिटर तल खसेको जनाइएको छ ।
