टीकापुर । टीकापुर पार्कमा आज सरसफाई गरिएको छ । टीकापुर नगरपालिका तथा नेपाल स्काउट स्थानिय परिषदको संयुक्त आयोजनामा सरसफाई गरिएको हो ।
टीकापुर नगरपालिका प्रमुख तपेन्द्र बहादुर रावलको प्रमुख आतिथ्यमा भएको सो कार्यक्रम नेपाल स्काउट स्थानिय परिषद संयोजक तारा साउँदको सभापतित्वमा भएको हो ।
कार्यक्रम संचालन कर्णाली माध्यमिक बिद्यालयका प्रधानाध्यापक धर्मराज शार्माले गरेका थिए ।
कार्यक्रममा टीकापुर नगरपालिका प्रमुख प्रशासकीय अधिकृत दमन चौधरी, नेपाल स्काउट सुदूरपश्चिम प्रदेश सल्लाहकार काशीराम ढुंगाना, बिरेन्द्र बिद्या मन्दिर माध्यमिक बिद्यालयका स्काउट शिक्षक पदमराज ओझा, खिमा घर्ती र सुरेश उपाध्याय, कर्णाली माध्यमिक बिद्यालयका स्काउट शिक्षक धन बहादुर बिक, हिमालय माध्यमिक बिद्यालय घियाका स्काउट शिक्षिका आशा भण्डारी, आर एम इ का स्काउट शिक्षक लोक बहादुर साउँदको समेत उपस्थिती रहेको थियो ।
यसैगरी कर्णाली माध्यमिक बिद्यालय, बिरेन्द्र बिद्या मन्दिर मावि, हिमालय मावि घिया र आरएमइका बिद्यार्थीहरु लगायतको उक्त सरसफाई कार्यक्रममा सहभागिता थियो ।
