टीकापुर । कैलालीको लम्कीमा ट्रकको ठक्करबाट टीकापुरकि महिलाको मृत्यु भएको छ ।
प्रदेश ट्राफिक प्रहरीले दिएको जानकारी अनुसार ट्रकको ठक्करबाट मृत्यु भएकि महिला टीकापुर नगरपालिका वडा नम्बर २ की ४० वर्षीया गोमा थापा हुन ।
उनलाई पूर्वपश्चिम राजमार्ग लम्की बजारमा ना २ ख ९३७० नम्बरको ट्रकले ठक्कर दिएको थियो । ट्रकको ठक्करबाट महिलाको घटनास्थलमै मृत्यु भएपछि राजमार्ग अवरुद्ध गरिएको छ। साथै ठक्कर दिने ट्रकलाई आगजनी गरिएको छ ।
यसैगरी स्थानीयले राजमार्गमा प्रदर्शन गर्न थालेका छन् भने भिड नियन्त्रण गर्न प्रहरीले आधा दजर्न बढी सेल अश्रुग्यास प्रहार गरेको छ ।
