टीकापुर । टीकापुर स्थित खोटेना भुराखानी सामुदायिक वन क्षेत्रमा मंगलवार झोलाभित्र वेवारिसे शब फेला परेको छ ।
शब सडिसकेकाले शबको राम्रोसंग पहिचान गर्न गार्हो भएको प्रहरीले जनाएको छ । अन्दाजी ५० बर्ष सम्मको शबको करिब ५ फिट लम्बाई रहेको इलाका प्रहरी कार्यालय टीकापुरका प्रहरी निरीक्षक लाल बहादुर ऐरले मलवारालाई बताए ।
प्रहरी निरीक्षक ऐरका अनुसार सो शब बाढीमा बगेर आएको हुनसक्ने समेत आँकलन छ ।
सो बारे एकिन गर्न सकिएको छैन । तर झोलाभित्र लास रहेकाले संकास्पद समेत देखिन्छ । सो बारे प्रहरीले अनुसन्धान जारी राखेको छ भने शबलाई टीकापुर अस्पतालको शब गृहमा राखिएको छ ।
