टीकापुर । टीकापुर नगरपालिका वडा नं. ६ का चन्द्र बहादुर चौधरीको हिजो राती मोटरसाइकल दुर्घटनामा मृत्यु भएको छ ।
प्रहरीका अनुसार भजनी नगरपालिका वडा नं. ३ स्थित हुलाकी राजमार्ग अन्तर्गत बेलाबोझी भन्ने ठाउँमा सुपप्र ०१००८ प ४७२३ नम्बरको मोटरसाइकल दुर्घटना हुदा उनको मृत्यु भएको हो ।
अन्दाजी ३६ वर्षीय चौधरीको हिजो राति नै प्राथमिक स्वास्थ्य केन्द्र भजनीमा मृत्यु भएको प्रहरीले जनाएको छ। मोटरसाइकल आफैँ अनियन्त्रित भई दुर्घटना भएको पनि प्रहरीले बताएको छ।
दुर्घटनामा परी बेहोस अवस्थामा भेटिएका चौधरीलाई इलाका प्रहरी कार्यालय भजनीको टोलीले स्वास्थ्य केन्द्र पुर्याएको जनाइएको छ ।
