कैलालीका २ जना लागुपदार्थ खैरो हिरोइन सहित कञ्चनपुरमा पक्राउ

शेयेर गर्नुहोस

टीकापुर । कैलालीका २ जना लागुपदार्थ खैरो हिरोइन सहित कञ्चनपुरमा पक्राउ परेका छन् ।
कञ्चनपुरको बेलौरी नगरपालिका – ६ बाट प्रहरीले बिहिवार दुई पक्राउ गरेको हो ।

पक्राउ पर्नेमा कैलालीको धनगढी उप महानगरपालिका वडा नं २ का वर्ष २६ का दिपक बिष्ट र वर्ष ३१ का गोपी विक रहेको जिल्ला प्रहरी कार्यालय कञ्चनपुरका सूचना अधिकारी प्रहरी निरीक्षक लालबहादुर बमले मलवारालाई जानकारी गराए ।

प्रहरीले गोपीले सेतो प्लाष्टिकमा ४ दशमलव ११ ग्राम खैरो हिरोइन मुखभित्र लुकाई राखेको अबस्थामा फेला पारेको जनाएको छ ।

दुवै जनाले चढेको से ६ प ३४५४ नम्बरको मोटरसाकईल समेत प्रहरीले नियन्त्रणमा लिएको छ । मोटरसाइकलसहित पक्राउ परेका दुवै जनामाथि प्रहरीले आवश्यक अनुसन्धान गरिरहेको जनाएको छ ।
कञ्चनपुर जिल्लामा मात्र लागुऔषधसहित पक्राउ पर्नेको संख्या दिनानुदिन बढ्दै गएको छ ।

ताजा खबर

amazed