काठ तस्करी गरेको छैन, फर्निचर किनेको हुः डिएसपी सापकोटा
टीकापुर । बर्दिया जिल्ला स्थित ईलाका प्रहरी कार्यालय राजापुरका प्रमुख प्रहरी नायव उपरीक्षक (डिएसपी) प्रकाश सापकोटा काठ तस्करीमा संलग्न रहेको स्थानीयले आरोप लगाएका छन ।
सापकोटाले भारतबाट अवैध काठ नेपाल भित्र्याई घरको फर्निचरको काममा लगाएपछि स्थानीयले सो आरोप लगाएका हुन ।
राजापुर नगरपालिका स्थित नेपाल भारत सिमा नजिकैको भारतीय जंगल कतर्नियाबाट १ महिना अघि तस्कर र बन कर्मचारी संग मिलेर डिएसपी सापकोटाले आफ्नो घुमुवा र एक हवल्दारलाई अबैध काठ भित्र्याउन लगाएको स्थानीयले मलवारालाई जानकारी दिएका छन ।
स्थानीय वासिन्दाका अनुसार डिएसपी सापकोटाको निर्देशनमा कालो सिसमका ७ गोलिया काठ नेपाल भित्र्याई घरको फर्निचरमा लगाएका हुन ।
सापकोटाले राजापुर नगरपालिका–८ भोकपुरको सः ंमिलमा उक्त काठ चिरान गरी राजापुरको फरवरी फर्निचरमा फर्निचरका सामानहरु बनाई घर पठाएको समाचार स्रोतले मलवारालाई बताएको छ ।
भारतबाट हुने चोरी तस्करी नियन्त्रणका लागी खटिने जिम्मेवारी लिएका ईलाका प्रहरी कार्यालय राजापुरका प्रमुख सापकोटा स्वयम तस्कर संग मिलेर काठ नेपाल भित्रयाई घरको फर्निचरको काममा लगाउनु गलत भएको र नाकाको रक्षा गर्न बसेका रक्षक नै भक्षक हुन थालेपछी स्थानियले सुरक्षाको प्रत्याभुती गर्न कसरी पाउने हुन भन्ने बारे स्थानीयको भनाइ छ ।
सो सम्बन्धमा मलवारासंग डिएसपी सापकोटाले भने यो कुरा सरासर गलत हो । उनले राजापुर स्थित फरवरी फर्निचरबाट नगद पैसा तिरेर फर्निचर खरिद गरेको बताए ।
फरिवरी फर्निचर उद्योगका मालिक फरिवरी चौधरीले डिएसपीले काठ दिन्छु भनेका त थिए । तर काठ दिएनन, नगदै रुपैयाँ बाट फर्निचरका सामान खरिद गरेर लगेको बताए ।
चौधरीले मिलबाट डिएसपी सापकोटाले ठूलो बक्स पलङ र डायनिङ टेबल खरिद गरेको जानकारी दिए ।
तर समाचार स्रोतका अनुसार डिएसपी सापकोटाले अबैधरुपमा भारतबाट ७ थान कालो सिसमका गोलिया मगाएर चिरान गरी फर्निचर उद्योगमा लगेका हुन ।
हाल डिएसपी सापकोटाको डरले फर्निचर उद्योगका संचालक चौधरीले पनि वास्तविकता लुकाउन खोजेको स्रोतको दावी छ ।
