एमालेद्वारा बाढी पिडितको उद्धार र राहतमा खट्न कार्यकर्ताहरुलाई निर्देशन

शेयेर गर्नुहोस

टीकापुर । नेकपा एमाले क्षेत्रिय समन्वय कमिटी क्षेत्र नं. १ कैलालीले बाढी पिडितको उद्धार राहतमा खट्न आफ्ना सबै कार्यकर्ताहरुलाई निर्देशन दिएको छ ।
पार्टीका क्षेत्र नं. १ कैलालीका संयोजक श्याम खत्रीद्धारा आज जारी विज्ञप्तीमा सो निर्देश दिएका हो ।


विज्ञप्तीमा भनिएको छ ‘विगत ५ दिन देखि परेको अबिरल वर्षाका कारण कर्णाली लगायत अन्य नदीमा पानीको सतह बढेको र त्यसबाट यस क्षेत्रमा भएको डुबान र क्षती प्रति नेकपा एमाले क्षेत्रिय समन्वय कमिटी क्षेत्र नं. १ कैलालीेकोे गम्भीर ध्यानाकर्षण भएको छ ।’


कर्णाली नदीमा बढिरहेको पानीको सतह र वर्षा नरोकिएको अबस्थाले थप क्षती समेत निम्त्याउन सक्ने सम्भावना देखिएको विज्ञप्ती उल्लेख छ ।


एमालेले ‘सम्भावित क्षतिलाई रोक्न र न्युनिकरण गर्न तिनै तहका सरकार र सबै क्षेत्रलाई सहकार्यका लागि आग्रह समेत गरेको छ ।


विज्ञप्तीमा भनिएको छ ‘यस बिपतको घडीमा नेकपा एमाले क्षेत्र नं. १ कैलालीका पार्टी कमिटी, नेता कार्यकर्ताहरु उद्धारमा सकृयताका साथ लाग्न हुन पार्टी निर्देशन गर्दछ । ’


एमालेद्धारा प्रकाशित विज्ञप्तीमा बाढीबाट डुबानमा परेको जन समुदायलाई उद्धार र राहतमा सहयोग गर्न हुन स्थानिय सरकारसँग जोडदार माग गर्दै स्थानिय स्तरमा कृयासिल दातृ निकाय र संस्थालाई यथासिघ्र आफ्ना उद्धार र राहतका कार्यक्रम ल्याउन पनि अनुरोध गरिएको छ ।

ताजा खबर

amazed