बैतडी । जिल्लाका एकजना युवकको भारतको पिथौरागढमा मृत्यु भएको छ। जिल्लाको पुर्चौंडी नगरपालिका ५ दहतोलीका १९ वर्षीय सुनिल बोहराको मृत्यु भएको उनका मामा धनबहादुर बोहराले बताए।
गत एक वर्षदेखि पिथौरागढमा जेसीबी अपरेटरको रुपमा काम गर्दै आएका बोहराको बुधबार मृत्यु भएको हो ।
जेसीबी दुर्घटना भएर हो वा च्यापिएर मृत्यु भएको हो भन्ने कुरा अझै खुल्न नसकेको बताइएको छ। बैतडी प्रहरीले भने घटना सम्बन्धमा आधिकारीक जानकारी नआएको जनाएको छ ।
