अत्तरिया । डडेल्धुरा जिल्लामा ८ वर्षीय एक बालक हत्या पछि खाल्डोमा पुरिएको आशंका गरिएको छ। जिल्लाको आलीताल गाउँपालिका ८ डाँडाखर्कका ८ वर्षीय बालक भरत बोहराको हत्या गरेर खाल्डोमा पुरिएको आशंकामा प्रहरीले उत्खनन गरिरहेको हो । इलाका प्रहरी कार्यालय जोगबुडाका प्रहरी निरीक्षक गंगादत्त बडू नेतृत्वको प्रहरी टोली अहिले घटनास्थलमा पुगेर उत्खनन गरिरेको छ ।
प्रहरी निरीक्षक बडूले शंकास्पद भनिएको घटनास्थल उत्खननका लागि जिल्लाबाट विज्ञको टोली मगाइ निकाल्ने काम भइरहेको बताए । बोहरा १२ पुसदेखि बेपत्ता थिए। उनको परिवारले समेत उनी हराएको प्रहरीलाई जानकारी दिएका थिएनन्। पुस २७ गते स्थानीयले बालक हराइरहेको सूचना प्रहरीलाई दिएका थिए ।
बालकका बुबा रोजगारीका लागि भारतमा रहेका छन् । घरमा आमा, सौतेनी आमा र एक जना उनका दाइ छन् ।
