टीकापुर । सुदूरपश्चिममा सत्तारूढ गठबन्धनका तर्फबाट माओवादी केन्द्रका भीम भण्डारी सभामुखमा निर्वाचित भएका छन् ।
मंगलबार बिहान प्रदेशसभामा तेस्रो पटक भएको मतदानबाट सभामुखमा माओवादी केन्द्रका भण्डारी निर्वाचित भएका हुन् । उनी बझाङबाट प्रदेशसभा सदस्यमा निर्वाचित हुन् ।
५३ जना प्रदेशसभा सदस्य रहेकोमा मंगलबार भएको मतदानमा ५२ मत खसेको थियो । जसमा भण्डारीले २९ मत प्राप्त गरेका हुन् । कांग्रेसका उम्मेदवार मानबहादुर रावलले भने २३ मत ल्याए ।
यसअघि २८ पुस र ३० पुस गरि दुई पटक भएको मतदानबाट कुनै पनि उम्मेदवारले बहुमत ल्याउन नसकेपछि आज पुनः निर्वाचन भएको थियो ।
