धनगढी । कैलालीको टीकापुरबाट लागूऔषधसहित दुई युवक पक्राउ परेका छन् ।
टीकापुर नगरपालिका–१ ब्लक नम्बर १४ स्थित सडकबाट २१० मिलिग्राम लागूऔषध (खैरो हेरोईन)सहित टीकापुर नगरपालिका–९ बस्ने २४ वर्षीय रोसन साउद र २७ वर्षीय योगेश साउदलाई बिहीवार साँझ प्रहरीले पक्राउ गरेको हो ।
ईलाका प्रहरी कार्यालय टीकापुरबाट खटिएको प्रहरी टोलीले उनीहरुको साथबाट उक्त पदार्थ फेला पारी पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको छ ।
