इलाका प्रशासन कार्यालय टीकापुरलाई सेवा प्रवाहमा समस्याः प्रशासन प्रमुख बिष्ट

शेयेर गर्नुहोस

यज्ञराज उपाध्याय
टीकापुर, २३ साउन÷इलाका प्रशासन कार्यालय टीकापुरको आफ्नो छुट्टै भवन नहुँदा सेवा प्रवाहमा समस्या हुन थालेको छ ।
एकैदिन सयौं नागरिकको भिडभाड हुने कार्यालय भाडाको भरमा सञ्चालन हुँदा सेवा प्रवाह गर्न कठिन भइरहेको हो ।
इलाका प्रशासन कार्यालय टीकापुरका प्रमुख शंकर बहादुर बिष्टले हामी आफै भाडाको घरबाट सेवा दिइरहेका छौं, जसले गर्दा जनताले चाहेजस्तो छिटो–छरितो सेवा प्रवाहमा कठिनाइ व्यहोर्नु परेको बताउनुभयो ।
उहाँले भन्नुभयो,–‘सानो क्षेत्रफलमा भएको भवनबाट सेवा दिइरहदा मानिसहरुको भिडलाई समेत व्यवस्थापन गर्न गार्हो भएको छ भने अहिलेको महा–मारीको समयमा सरकारले निर्देशित गरेका स्वास्थ्य सुरक्षाका उपायहरु नागरिकलाई अवलम्बन गर्नसमेत गार्हो भएको छ ।’
कार्यालयकै अगाडी साघँुरो सडक भएकाले सेवाग्राहीको भिड अत्याधिक भएको समयमा सडक नै पुरै भरिने गरेपछि कहिलेकाहीँ दुर्घटना हुनसक्ने खतरासमेत देखिन थालेको छ ।
पछिल्लो समय सेवाग्राहीहरु बढ्दै गएपछि भवनमा सेवाग्राही लाई बस्ने ठाउँसमेत नहुदा सडक छेउमै बस्नुपर्ने बाध्यता छ । यससँगै अहिले कोरोनाको महा–मारीको बेला न्युनतम सुरक्षाको उपाय सामाजिक दुरि कायम गरिनुपर्ने सरकारको निर्देशन भएपनि सो कुराको पालना गर्न समेत गार्हो भएको कार्यालय प्रमुख बिष्टको भनाइ छ ।
अहिले कार्यालयले नागरिकता जारी गर्ने, राहदानी सिफारिस गर्ने र वितरण गर्ने, नाबालक परिचयपत्र वितरण गर्ने, शान्ति सुव्यवस्था कायम गर्ने, आफ्नो कार्यक्षेत्र भित्रका सरकारी कार्यालयको अनुगमन गर्ने, सार्वजनिक सेवा प्रवाहमा सहजीकरण गर्ने लगायत का कामहरु गरिरहेको छ ।
कार्यालयमा सबैभन्दा धेरै नागरिकता, नाबालक परिचयपत्र बनाउने र राहदानीको सिफारिस लिनेको धेरै भिडभाड हुने गर्दछ ।
प्रमुख बिष्टले यसैलाई मध्य–नजर गर्दै अब ईलाका प्रशासन कार्यालय टीकापुरले मालपोत कार्यालय नजिकै रहेको आफ्नो जग्गामा छुट्टै भवन निर्माणको प्रक्रिया यो वर्ष भित्रै सुरु गर्ने बताउनुभयो ।
‘मालपोत कार्यालय नजिकै रहेको आफ्नै जग्गामा भवन निर्माणका लागि सबै प्रक्रिया यो वर्ष नै सुरु हुन्छ,’ उहाँले थप्नुभयो ‘आफ्नो कार्यकालमै यो कामको सुरुवात गर्ने तयारीमा लागिरहेको छु र यो आर्थिक वर्षमा भवन निर्माणका लागि सरकारले १ करोड बजेट समेत छुट्याएको छ ।’
आफ्नो छुट्टै भवन भएपछि नागरिकलाई सेवा दिन धेरै सहज हुने र सेवाग्राहीलाई सेवा लिन पनि सहज हुने बिष्टले बताउनु भयो । यसका साथै कर्मचारीलाई काम गर्नका लागि पनि सहज हुने र प्रयाप्त ठाउँ भएपछि भिडभाडलाई समेत व्यवस्थापन गर्न सकिने उहाँको विश्वास छ ।

ताजा खबर

भक्तपुरको दुईपोखरीमा डुबेर एक पुरुषको मृत्यु

amazed

Leave a Reply

Your email address will not be published. Required fields are marked *