टीकापुरमा एकैदिन १२ जना कोरोना संक्रमित

शेयेर गर्नुहोस

यज्ञराज उपाध्याय
टीकापुर, २३ साउन÷ टीकापुर नगरपालिकामा एकैदिन १२ जना नागरिकमा कोरोना संक्रमण पुष्टि भएको छ ।
होम क्वारेन्टाइनमा बसेका यी सबै बाहिरबाट आएका टीकापुर नगरपालिकाका स्वास्थ्य शाखा प्रमुख बल बहादुर रावलले बताए । उनका अनुसार कोहि भारतको सुरत, मुम्बईबाट आएका हुन त कोहि साउदी अरबबाट आएका हुन ।
पछिल्लो २४ घण्टामा कैलाली मा पुष्टि भएका १६ जना संक्रमित मध्ये सबैभन्दा धेरै टीकापुरकै छन् ।
वडा नम्बर १ र २ का ४÷४ जना, वडा नम्बर ५ र ६ का १÷१ जना र वडा नम्बर ९ का २ जना रहेका छन् । उनीहरुमध्ये १९ देखि ७५ वर्षसम्मका पाँचजना महिला र १८ देखि ३५ वर्षसम्मका सातजना पुरुष रहेको रावलले जानकारी दिए ।
स्वास्थ्य शाखा प्रमुख रावलले टीकापुरमा बाहिरबाट दैनिक १० देखि १५ जनाको हाराहारीमा आउने क्रम जारी रहेको र तीमध्ये २० प्रतिशतमा कोरोना पुष्टि हुने गरेको छ ।
उनले टीकापुर नगरपालिकामा अझै कोरोना संक्रमणको जोखिम बढ्न सक्नेसमेत बताएका छन् ।