टीकापुर । सत्ती कर्णाली सामुदायिक वनमा आगलागी भएको छ । मंगलबार (आज) बिहान साढे १० बजेको समयमा वनको शाहिपुर, सिम्रेनीको क्षेत्रमा आगलागी भएको हो ।
सामुदायिक वनका अध्यक्ष जितराम चौधरीका अनुसार आगलागीको जानकारी समयमै भएकाले खासै क्षती हुन पाएको छैन । करिब डेढ बिगाहा क्षेत्रफलमा लागेको आगोले खरबारी र केही बोटविरुवा जलेर नष्ट भएको अध्यक्ष चौधरीले बताए । तथापि के कति क्षति भएको छ भन्ने विवरण आइनकेको उनले बताए ।
वनका उपभोक्ता, सुरक्षाकर्मी, स्थानीयहरुले वनमा लागेको आगो निभाइसकेकाले धेरै क्षती नभएको उनले जानकारी दिए ।
