एजेन्सी । जाडो याम सुरु भइसकेको छ । चिसो मौसमले मानिसहरूलाई कम तिर्खा लाग्छ । तिर्खा कम हुनु अनि पानी चिसो भएकोले पनि मानिसहरूले यो मौसममा कम पानी सेवन गर्छन् । तर यो बानीले शरीरलाई हानि पुर्याउन सक्छ ।
विज्ञहरूका अनुसार दैनिक ५०० मिलिलिटरभन्दा कम पानी पिउँदा मिर्गौला र मस्तिष्क रोगहरू सहित विभिन्न दीर्घकालीन स्वास्थ्य समस्याहरू निम्त्याउन सक्छ । आजको यस लेखमा हामी ती समस्याहरूबारे कुराकानी गर्नेछौँ ।
मिर्गौलाको फिल्टर गर्ने शक्ति सुस्त हुनु
मिर्गौलाले पानी छान्ने काम गरिरहन्छ । तर कसैले धेरै कम वा ५०० एमएल भन्दा पानी पिउँछ भने पिसाब गाढा हुन्छ । यसले थोरै मात्र पिसाब निस्कन्छ र शरीरबाट धेरै फोहोर पदार्थहरू बाहिर निकाल्न सक्दैन । यसले मिर्गौलालाई क्षति पुर्याउन सक्छ ।
मस्तिष्कले कम अक्सिजन पाउँछ
कम पानी पिउँदा रगतको मात्रा कम हुन्छ, जसले गर्दा मस्तिष्कसम्म पुग्ने अक्सिजनको मात्रा घट्छ । यस्तोमा ध्यान केन्द्रित गर्न कठिनाइ हुने, मुड स्विङ भइरहने र थकान महसुस हुने जस्ता समस्याहरू निम्त्याउँछ ।
मांसपेशी दुखाइ र ऊर्जाको कमी
कम पानी पिउँदा मांसपेशीहरूसम्म ऊर्जाको आपूर्ति कम हुन्छ । जसका कारण थकान वा ऊर्जाको कमी हुन सक्छ ।
पाचन प्रक्रिया सुस्त हुने
पाचनमा पानीले महत्त्वपूर्ण भूमिका खेल्छ । तर तपाईँले कम पानी पिउनुभयो भने पाचन प्रक्रिया सुस्त हुन्छ । जसका कारण कब्जियत र अपच जस्ता समस्या बढाउन सक्छ । यसबाहेक, भोक पनि प्रभावित हुन सक्छ ।
दीर्घकालीन रोगहरूको जोखिम बढ्छ
कसैले जाडोमा लगातार कम पानी पिउँछ भने समय बित्दै जाँदा शरीरमा तनावको स्तर बढाउन सक्छ । पिसाब बाक्लो हुन सक्छ, मिर्गौलाको फिल्टरेशन दर कम हुन्छ, तापमान नियन्त्रण कमी आदि समस्या हुन सक्छ । यसले पछि गम्भीर रोगहरू निम्त्याउन सक्छ ।
(अस्वीकरणः यो सामग्री सामान्य जानकारीका लागि अनलाइन स्रोतको सहयोगमा तयार पारिएको हो ।)
