मानबहादुर ठकुल्ला
भजनी १९ साउन । कैलालीको भजनिमा केही दिन अगाडि आएको बाढी ज्यान गुमाएका परिवारलाई राहात स्वरुप नगद सहयोग गरिएको छ ।
नेपलिज ब्रदर्स रुम टीकापुर ७ सत्ती सामाजिक संजालको समुहले मृतकका परिवारलाई प्रति परिवार ५ हजारका दरले सहयोग प्रदान गरेको समुहका सदस्य भिम बिकले जानकारी दिनुभयो ।
बाढीमा ज्यान गुमाएका स्केल चौधरी, ईश्वर शाह र चक्र बिकका परिवारलाई नगद सहयोग गरिएकोे हो ।
आफ्ना समुहका सदस्यबाट संकलित भएको रकम आज मृतकका परिवारलाई हस्तान्तरण गरेको अर्का सदस्य मुकेश श्रेष्ठले जानकारी दिनु भयो ।
हिजो आईतबार भजनी नगरपालिकाले पनि मृतक तीनै जनाका परिवारलाई क्रिया खर्च बाफतको २५ हजारका दरले नगद सहयोग गरेको समेत वडा सदस्य कृष्ण राज धमालाले मलवारालाई बताउनुभयो ।
