कैलाली हुलाकी राजमार्ग पूर्णरुपमा अवरुद्ध

शेयेर गर्नुहोस

एलवि बुढा
टीकापुर १९ साउन । कैलालीमा साउन १४ गते आएको बाढिले हुलाकि राजमार्ग पुर्णरुपमा अवरुद्ध भएको छ ।
बाढीले हुलाकी राजमार्ग कटान गरि पानीको बाहव नघट्दा सडक पुर्णरुपमा अवरुद्ध भएको हो ।
बाढिले भजनी नगरपालिकाको विभिन्न स्थानसंग जोडिएको हुलाकी सडक डुबानमा परि कटान गरेको हो ।
दैनिक टिकापुर लगायतका क्षेत्रबाट मानिसहरु हुलाकी राजमार्ग हुदै धनगढी लगायतका क्षेत्रमा आवत जावत गर्ने गर्दथे । टिकापुर बाट हुलाकि सडक हुदै धनगढि जान छोटो पर्ने भए पनि सडक अवरुद्ध हुदा महेन्द्र राजमार्ग हुदै धनगढी जानू परेको टिकापुरका राम बहादुर चौधरीले बताउनु भयो ।
चौधरीले हुलाकी सडकबाट धनगढी आवत जावत गर्न सहज र छोटो पर्ने भए पनि बध्याताले आफु महेन्द्र राजमार्ग हुदै धनगढी पुगेर आएको बताउनु भयो ।
हुलाकी राजमार्गको कटान गरेको स्थानमा अझै पनि पानीको बहाव कम भएको छैन । तत्काल हुलाकी राजमार्ग सुचारु गर्न स्थानीय सरकारले चासो देखाउन जरुरी छ ।